Abakirisitu 60 b’Inkuru Nziza bafatiwe mu rusengero barenze ku mabwiriza yo kwirinda COVID-19

Yanditswe na Hakizimana Jean Paul
Kuya 22 Ukwakira 2020 saa 08:57
Yasuwe :
0 0

Abakirisitu 60 bo mu Itorero Inkuru Nziza ryo mu Karere ka Kirehe mu Murenge wa Gahara, bafatiwe mu rusengero bari mu masengesho saa Cyenda z’ijoro barenze ku mabwiriza yo kwirinda COVID-19.

Aba bakirisitu bafashwe mu rukerera rwo kuri uyu wa Kane, tariki ya 22 Ukwakira 2020 bafatirwa mu Kagari ka Murehe mu Murenge wa Gahara barimo abagabo 11 n’abagore 49.

Umunyamabanga Nshingwabikorwa w’Umurenge wa Gahara, Muhoza Justin, yabwiye IGIHE ko aba bakirisitu barenze ku mabwiriza yo kwirinda Coronavirus bagasenga mu masaha atemewe.

Ati “Ni abaturage 60 barimo abagabo 11 n’abagore 49, twabagezeho mu gitondo ariko mu makuru abaturage baduhaye batubwiye ko batangiye gusenga saa Cyenda zijoro. Pasiteri wabo yatubwiye ko ari saa Kumi n’imwe. Twabafashe turabigisha nyuma tunabaca amafaranga y’ibihano kugira ngo babyumve, buri umwe twamuciye 2000 Frw.”

Gitifu Muhoza yakomeje avuga ko kuri ubu uru rusengero rushobora kongera gufungwa nyuma yo kurenga ku mabwiriza yo kwirinda COVID-19, yasabye abaturage kwirinda gusenga mu masaha atemewe ngo kuko uzajya abifatirwamo azajya abihanirwa.

Umuvugizi wa Polisi mu Ntara y’Iburasirazuba, CIP Twizeyimana Hamdun, we yaburiye abayobozi b’amadini bakirenga ku mabwiriza yo kwirinda COVID-19 ko nibakomeza insengero zabo zizongera zigafungwa.

Yagiriye inama abaturage ko bagomba kugira uruhare mu kubahiriza amabwiriza yo kwirinda Coronavirus bakirinda ababasaba kujya gusenga mu masaha ataragenwe ndetse naho babibonye bagatanga amakuru.

Kuri ubu aba baturage barekuwe basubira mu miryango yabo nyuma yo gucibwa 2000 Frw kuri buri muntu.

Abakirisitu 60 bo mu Itorero Inkuru Nziza bafatiwe mu rusengero barenze ku mabwiriza yo kwirinda COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .