00:00:00 IGIHE NETWORK KN KINYARWANDA EN ENGLISH FR FRANCAIS

Abahoze bakora muri IPRC Kigali binubiye kuburana bafunzwe mu gihe ababahaye akazi bari hanze

Yanditswe na Ntabareshya Jean de Dieu
Kuya 11 Mutarama 2023 saa 02:06
Yasuwe :

Bamwe mu bahoze ari abakozi ba IPRC Kigali bakurikiranywe ku byaha bya ruswa, binubiye kuburana bafunzwe mu gihe bagenzi babo bahoze babayoboye bo baburana bari hanze.

Abakozi ba IPRC Kigali baregwa mu rubanza rumwe n’umuyobozi Mukuru w;iryo shuri Eng. Mulindahabi Diogene, aho bakurikiranyweho ubujura bw’ibikoresho byibwe muri iki kigo no gukora raporo zitavuga ukuri.

Muri uru rubanza rwasubukuwe kuri uyu wa Gatatu tariki 11 Mutarama, umwanya munini wahawe abajuririye umwanzuro wo gufungwa by’agateganyo.

Ni ubujurire batanze nyuma y’uko urukiko rw’ibanze rwa Kicukiro rutegetse ko batanu mu bakurikiranywe muri iyi dosiye y’ubujura bw’ibikoresho by’ikigo bakomeza gukurikiranwa bafunzwe abandi 12 barimo n’Umuyobozi Mukuru Eng Murindahabi Diogene bakurikiranwa bari hanze.

Uwari ushinzwe kubika ibikoresho, Nabo Jean Claude, yatangiye asaba ko yafashwa akaburana adafunze kuko urukiko rw’ibanze rwirengagije ko raporo yasohowe muri sisitemu, yasohowe kuri 30 Nyakanga igaragaza ibikoresho byasohotse atari ibyibwe uwo munsi.

Nabo Jean Claude, yavuze ko ikindi urukiko rwirengagije ni uko iyo dosiye yigeze kuyikurikiranwaho akanafungurwa by’agateganyo

Yatakambiye urukiko ko yakurikiranwa adafunzwe cyane ko umuryango we ari we wayitagaho kuko ari we ufite akazi ndetse yemera no gutanga ingwate y’umutungo kugira ngo agaragarize urukiko ko atazatoroka ubutabera.

Muhirwa Valens yavuze ko yasabye ko bamufungura by’agateganyo kuko abamukoresheje ibyaha bafunguwe, akaba atumva uburyo we by’agateganyo, akaba atumva uburyo we agifunze.

Abakozi ba IPRC Kigali baregwa mu rubanza rumwe n’umuyobozi Mukuru w’iryo shuri Eng. Mulindahabi Diogene, aho bakurikiranyweho ubujura bw’ibikoresho byibwe muri iki kigo no gukora raporo zitavuga ukuri.

Muri uru rubanza rwasubukuwe kuri uyu wa Gatatu tariki 11 Mutarama, umwanya munini wahawe abajuririye umwanzuro wo gufungwa by’agateganyo.

Ni ubujurire batanze nyuma y’uko urukiko rw’ibanze rwa Kicukiro rutegetse ko batanu mu bakurikiranywe muri iyi dosiye y’ubujura bw’ibikoresho by’ikigo bakomeza gukurikiranwa bafunzwe abandi 12 barimo n’Umuyobozi Mukuru Eng Murindahabi Diogene bakurikiranwa bari hanze.

Muhirwa Valens yavuze ko yasabye ko bamufungura by’agateganyo kuko yahawe akazi n’uwitwa Tumukunde Aimable akazi k’ubukarani ko gutunda sima n’inzugi.

Yavuze ko atumva uburyo akomeza kuburana afunzwe kandi abatwaye bikoresho banamuhaye akazi bo baburana badafunze.

Umushinjacyaha yavuze ko yakomeza gufungwa kubera ko hari impungenge ko atabonekera igihe abaye ari hanze.

Nshimiyimana Japhet wari umusekirite yavuze ko nta cyaha yigeze akora kandi ko aho yakoraga ku muryango, atigeze abona imodoka yinjira mu kigo ngo itware ibikoresho bityo ko atarakwiye kuryozwa ibyakozwe n’abandi.

Undi wari umukarani yavuze ko yapakiye ibyuma agahembwa 3000 Frw gusa, akabijyana mu rugo rwa Maniragaba Alphonse wafunguwe, akavuga ko nta ruhare yagize mu byakozwe.

Yasabye ko yarekurwa akajya kwita ku muryango kuko abana be babuze ibikoresho by’ishuri mu gihe abamuhaye akazi bari hanze.

Uwari ushinzwe kubika ibikoresho, Nabo Jean Claude, akurikiranyweho kwandika raporo y’ibikoresho byakoreshejwe binyuze mu buryo bw’ikoranabuhanga busanzwe bukoreshwa muri iki kigo yakoze ku 30 Nyakanga 2022 bikekwako ari ibyibwe bifite agaciro k’asaga miliyari 79 Frw.

Yatakambiye urukiko ko yakurikiranwa adafunzwe ngo kuko na Muhimpundu Vandars wari umukuriye aburana ari hanze.

Ubushinjicyaha bwajuririye icyemezo cyo gufungura abayobozi bakuru

Ubushinjacyaha bwagaragaje ko bwajuririye icyemezo cy’Urukiko rw’ibanze rwa Kicukiro rwari rwafashe icyemezo cyo kurekura by’agateganyo abantu 12 barimo n’uwari Umuyobozi Mukuru wa IPRC Kigali, Eng Murindahabi na bagenzi be bareganwa muri iyi dosiye.

Ubushinjacyaha busanga harirengagijwe impamvu zabwo kuri aba barekuwe barimo Rukundo Tumukunde Aimable, Maniragaba Alphonse, Mulindahabi, Hakizimana Venuste, Muhimpundu Vander Thomas n’abandi.

Bugaragaza ko hatwawe ibikoresho birimo indobo z’amarangi, inzugi n’amadirishya bya metallique, utubati dukorerwa muri IPRC, insiga, imashini n’ibindi bitandukanye, kandi abarekuwe babimenye bityo bakekwaho uruhare rukomeye.

Icyemezo cy’urukiko kizatangazwa ku wa 17 Mutarama 2023 saa cyenda z’umugoroba.

Inkuru bijyanye: Umuyobozi Mukuru wa IPRC Kigali yafunguwe


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .