00:00:00 IGIHE NETWORK KN KINYARWANDA EN ENGLISH FR FRANCAIS

Jeannette Kagame yasuye Uganda mu rwego rwo gutsura umubano

Yanditswe na

Richard IRAKOZE

Kuya 16 Mata 2012 saa 01:48
Yasuwe :

Umugore wa Perezida wa Repubulika, Jeannette Kagame, kuri uyu wa Mbere tariki ya 16 Mata 2012 yatangiye urugendo rw’iminsi ibiri mu gihugu cya Uganda mu gutsura umubano n’iki gihugu.
Ni ku butumire bwa mugenzi we, umugore wa Perezida wa Uganda akaba na Minisitiri w’Intara ya Karamoja, Janet Museveni ndetse ni na Depite uhagarariye ahitwa Ruhama muri Uganda.
Ambasaderi Richard Kabonero uhagarariye Uganda mu Rwanda yatangarije ikinyamakuru The New Vision, dukesha iyi nkuru, ko uru ruzinduko (...)

Umugore wa Perezida wa Repubulika, Jeannette Kagame, kuri uyu wa Mbere tariki ya 16 Mata 2012 yatangiye urugendo rw’iminsi ibiri mu gihugu cya Uganda mu gutsura umubano n’iki gihugu.

Ni ku butumire bwa mugenzi we, umugore wa Perezida wa Uganda akaba na Minisitiri w’Intara ya Karamoja, Janet Museveni ndetse ni na Depite uhagarariye ahitwa Ruhama muri Uganda.

Ambasaderi Richard Kabonero uhagarariye Uganda mu Rwanda yatangarije ikinyamakuru The New Vision, dukesha iyi nkuru, ko uru ruzinduko rwa Jeannette Kagame rugaragaza umubano mwiza w’ibihugu byombi.

Yagize ati ”Twishimiye urugendo rw’umugore wa Perezida w’u Rwanda kuko ari ikimenyetso cyerekana ko hariho umubano wimbitse mwiza hagati y’ibihugu byombi. Uru rugendo kandi runubakira ku mubano mwiza w’abayobozi b’ibihugu byombi”.

Iki kinyamakuru kivuga ko biteganyijwe ko Jeannette Kagame azitabira imirimo y’ibikorwa rusange bagereranyije n’umuganda wo mu Rwanda. Aha bavuga ko bazubaka ishuri ribanza ryo mu gace ka Itoto ho muri Ruhama mu Karere ka Ntungamo.

Ubwo yaherukaga gusura Uganda, Jeannette Kagame yashimiwe ibikorwa bye by’urukundo, by’umwihariko kwita ku mpfubyi n’abapfakazi ba Jenoside ndetse n’abafite ubwandu bwa SIDA mu gushinga Umuryango Imbuto wita ku mwana w’umukobwa n’impfubyi za SIDA.

Iki gihe kandi Jeannette Kagame hamwe na mugenzi we Janet Museveni bafunguye ikigo cy’Umuco cya Igongo muri Mbarara aho batanze inkunga ingana n’ibihumbi icumi by’amadolari (ni ukuvuga miliyoni 6 n’ibihumbi 50 mu Manyarwanda) mu rwego rwo guteza imbere umuco w’u Rwanda na Uganda.

Perezida Paul Kagame na Yoweri Museveni mu minsi ishize bakoreye uruzinduko mu bihugu byombi mu kurushaho gutsura umubano.
Hibukwa cyane ko Museveni aheruka gusura u Rwanda mu ruzinduko rw’iminsi ine ndetse na Perezida Paul Kagame hamwe n’umuryango we bakaba baheruka gusangirira Noheli mu rugo rwa Museveni mu 2011.

Madamu Jeannette Kagame ari kumwe na Janet Museveni mu ruzinduko aherukamo muri Uganda(Foto/ The New Vision)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .