Zimbabwe: Minisitiri w’Ubuzima arashinjwa ruswa mu isoko ry’ibikoresho byo kurwanya Coronavirus

Yanditswe na Bukuru JC
Kuya 20 Kamena 2020 saa 12:34
Yasuwe :
0 0

Minisitiri w’Ubuzima muri Zimbabwe, Obadiah Moyo, yatawe muri yombi kuri uyu wa Gatanu akekwaho ruswa mu isoko rya leta rya miliyoni $60, ryo kugura ibikoresho byo kwifashisha mu kurwanya icyorezo cya Coronavirus.

Komisiyo ishinzwe kurwanya ruswa muri Zimbabwe (ZACC), yemeje ko Moyo yatawe muri yombi.

Umuvugizi w’iyi komisiyo John Makamure yagize ati “Ndemeza ko Minisitiri Moyo, yatawe muri yombi afungiwe kuri sitasiyo ya polisi ya Rhodesville kandi ari bugezwe mu rukiko kuri uyu wa Gatandatu”.

Minisitiri Moyo abaye uwa kabiri utawe muri yombi ashinjwa ruswa kuva Mnangagwa yajya ku butegetsi, umwaka ushize hafashwe Minisitiri w’ubukerarugendo, Prisca Mupfumira.

Muri Zimbabwe abamaze kwandura Coronavirus bageze hafi kuri 500, abapfuye ni bane.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .