Aziz w’imyaka 66 y’amavuko yari umusirikare ufite ipeti rya General. Yagejejwe mu rukiko kuri uyu wa Gatatu mu Murwa Mukuru w’iki gihugu, Nouakchott, ari kumwe n’abo bareganwa icyenda barimo n’abahoze ari ba Minisitiri w’Intebe, abandi baminisitiri n’abacuruzi.

Bashinjwa gukoresha nabi ububasha bahawe, iyezandonke, kugira uruhare mu bucuruzi butemewe no kwigwizaho imitungo mu buryo bunyuranyije n’amategeko.

Aziz, yageze ku butegetsi nyuma ya Coup d’etat, yabuvuyeho mu 2019 nyuma ya manda ebyiri asimburwa na Mohamed Ould Ghazouani, bahererekanyije ubutegetsi mu mahoro hagati y’abayobozi batowe.

Mohamed Ould Abdel Aziz wahoze ari Perezida wa Mauritanie yatangiye kuburanishwa ku byaha bya ruswa