Minisiteri y’ububanyi n’amahanga ya Zambia yatangaje ko umubiri wa Nyirenda wageze ku cyambu cya Rostov-on-Don mu Burusiya, aho biteganyijwe ko uzahava ujyanwa i Lusaka.

Uyu musore w’imyaka 23 yapfuye muri Nzeri uyu mwaka ariko byamenyekanye mu kwezi gushize.

Nyirenda yari yaragiye kwiga iby’ingufu za Nucleaire mu Burusiya gusa yaje gufungwa ashinjwa ikoreshwa ry’ibiyobyabwenge.

Minisiteri y’ububanyi n’amahanga ya Zambia yabwiye Inteko Ishinga Amategeko ko Nyirenda yinjiye mu ngabo muri Kanama uyu mwaka, kugira ngo ahabwe imbabazi.