Loni yasabye Ethiopia kureka hagakorwa iperereza ku byaha by’intambara bivugwa muri Tigray

Yanditswe na IGIHE
Kuya 23 Ukuboza 2020 saa 08:49
Yasuwe :
0 0

Umuryango w’Abibumbye, Loni wasabye Leta ya Ethiopia kureka inzobere z’imiryango itandukanye zikajya muri Tigray kugira ngo hakorwe iperereza ku byaha by’intambara bivugwa muri aka gace.

Iyi ntara ya Tigray imaze iminsi iberamo intambara hagati y’ingabo za Leta n’izari zishyigikiye ubutegetsi bw’Ishyaka rya Tigray People’s Liberation Front (TPLF)riri ku buyobozi muri iyi ntara.

Mu gihe imirwano ikomeje muri iyi Ntara Leta ya Ethiopia yagiye yangira imiryango itandukanye kugera muri aka gace. Mu baherutse kwangirwa kuhakandagira harimo n’abahuza muri iki kibazo bashyizweho n’Umuryango wa Afurika Yunze Ubumwe.

Umuyobozi w’Ishami ry’Umuryango w’Abibumbye ryita ku Burenganzira bwa muntu, Michelle Bachelet, yavuze ko bahangayikishijwe cyane n’uburenganzira bw’abasivile bari muri iyi Ntara ya Tigray imaze iminsi iberamo imirwano ihuza ingabo za Leta n’izo muri iyi ntara.

Michelle Bachelet yavuze ko hari abakozi b’Imiryango itandukanye babashije kugera muri iyi ntara ariko ntibashobora gukora iperereza ku byaha by’intambara bihavugwa kubera amategeko akakaye yashyizweho.

Muri iyi ntara havugwa ibyaha by’intambara bitandukanye birimo kwica abasivile no gusahura. Loni yavuze ko yagiye yakira raporo zitandukanye zigaragaza ko hari ibitero byagabwe ku ngo z’abaturage n’ibitaro, ibi ngo byabereye mu Mujyi wa Humera.

Muri Nzeri 2020, Ishyaka TPLF ryateguye amatora y’inzego z’ibanze muri Tigray, ibintu byarakaje ubutegetsi bwa Abiy kuko bihabanye n’umwanzuro wari wafashwe.

Tariki 4 Ugushyingo 2020, Ingabo za Ethiopia zatangije ibitero bigamije kwirukana TPLF ku butegetsi, ishinjwa ubugambanyi no gutera ibirindiro by’ingabo za Leta.

Michelle Bachelet yavuze ko Loni ifite amakuru ko muri Tigray hari kubera ibyaha by'intambara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .