Ku wa Mbere ni bwo Somalia yemeje ko yohererejwe intwaro na Misiri, hagendewe ku masezerano y’ubufatanye ibihugu byombi bifitanye.

Ni mu mujyo wo kongerera imbaraga igisirikare cya Somalia kugira ngo kibashe guhangana n’imitwe y’iterabwoba no kurinda ubusugire bw’igihugu.

Ubu bufatanye bwarakaje Ethiopia na yo iherutse gushinjwa kohereza rwihishwa intwaro muri Puntland, agace gafatwa nk’intara ya Somalia ariko gashaka ubwigenge.

Minisitiri w’Ububanyi n’Amahanga wa Ethiopia, Abdulkadir Mohamed Nur aherutse kwandika kuri X, ko igihugu cye cyarenze urwego rwo kubwirizwa icyo kigomba guhitamo.

Ni ku nshuro ya kabiri Misiri yoherereje Somalia intwaro mu gihe kitarenze ukwezi kumwe.

Umubano wa Misiri na Somalia wongewemo imbaraga mu ntangiriro z’uyu mwaka, ubwo Ethiopia yasinyaga amasezerano na Somaliland ngo ihabwe ubutaka ibashe gukora ku Nyanja.

Aya masezerano yarakaje cyane Somalia, kuko ifata Somaliland nk’igice cyayo.

Intambara iratutumba mu bihugu byo mu ihembe rya Afurika