Nakajjigo yapfuye mu 2020 mu mpanuka yabereye muri Arches National Park.

Izo mpozamarira ziri munsi cyane ya miliyoni $140 umuryango wa Nakajjigo wifuzaga, ariko kandi niyo mafaranga menshi atanzwe n’urukiko muri leta ya Utah kubera urupfu rw’umuntu, nk’uko umunyamategeko wabo abivuga.

BBC yanditse ko umugabo wa Nakajjigo yagenewe miliyoni $9.5, nyina Christine Namagembe agenerwa $700,000 naho se John Bosco Kateregga $350,000.

Nakajjigo wari ufite imyaka 25 yapfuye nyuma y’amezi macye ashyingiranywe na Ludovic Michaud w’Umunyamerika. Bari bari mu biruhuko basura iriya parike ubwo yapfaga.

Inkubi y’umuyaga yazunguje umuryango w’icyuma utari ufashe neza ubwo imodoka ya Nakajjigo na Ludovic yariho isohoka muri iriya parike.

Uwo muryango waciye mu idirishya ry’imodoka ku ruhande rw’umugenzi uca ijosi Nakajjigo ahita agwa aho, mu gihe umugabo we yari yicaye mu mwanya wa shoferi.

Uru rupfu ruteye ubwoba no kuba Nakajjigo yari ambasaderi w’umuryango Women and Girls muri Uganda byatumye urubanza rwe rukomera.

Esther Nakajjigo yapfuye mu 2020