00:00:00 IGIHE NETWORK KN KINYARWANDA EN ENGLISH FR FRANCAIS

Umupolisi wa Tanzania yaguye mu bushyamirane n’Aba-Maasai

Yanditswe na IGIHE
Kuya 13 June 2022 saa 04:33
Yasuwe :

Ubushyamirane hagati ya Leta ya Tanzania n’aba-Maasai batuye mu gace ka Loliondo bukomeje gufata indi ntera, ni nyuma y’uko aba baturage basanzwe batunzwe n’ubuhigi n’ubworozi basabwe kuva ku butaka bwabo kugira ngo bukoreshwe ku mpamvu z’ubukerarugendo.

Aba baturage bo mu bwoko bw’Aba-Maasai banze kumva ibyo babwirwa na Leta nayo ihitamo gukoresha imbaraga ku buryo muri aka gace hahise hatangira gushyirwa abapolisi.

Kugeza ubu abashinzwe kurengera uburengazira bwa muntu bavuga ko polisi ya Tanzania yatangiye kurasa kuri aba baturage, dore ko bamwe bagiye bagaragara bafite ibikomere by’amasasu.

Mu kwirwanaho aba baturage na bo bakoresheje imyambi n’imiheto ndetse bahitana umupolisi umwe.

Kugeza ubu Leta ya Tanzania ivuga ko idakoresha imbaraga z’umurengera ko ahubwo aba baturage bakwiriye kumva ko bagomba gutanga ubu butaka mu nyungu rusange.

Muri Tanzania habarurwa aba-Maasai barenga ibihumbi 430 ndetse bakaba bamwe mu bwoko bugize iki gihugu, umubare wabo munini wiganje mu majyaruguru y’iki gihugu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .