00:00:00 IGIHE NETWORK KN KINYARWANDA EN ENGLISH FR FRANCAIS

Umujyanama wa Tshisekedi yagizwe umwere ku byaha bya ruswa yatse abanyamahanga

Yanditswe na Bukuru JC
Kuya 23 Ukuboza 2022 saa 05:37
Yasuwe :

Vidiye Tshimanga wahoze ari umujyanama wa Perezida Félix Antoine Tshisekedi yagizwe umwere ku byaha bya ruswa yashinjwaga byakomotse ku majwi yafashwe ari kwaka ruswa abashoramari b’abanyamahanga.

Umwunganizi we mu mategeko Clement Ilunga yemeje aya makuru mu binyamakuru by’i Kinshasa, nyuma y’umwanzuro wafashwe n’urukiko.

Mu iburanisha riherutse, yari yasabiwe n’ubushinjacyaha gufungwa imyaka itatu akora imirimo y’agahato.

Muri Nzeri 2022 nibwo ku mbuga nkoranyambaga hashyizwe hanze amashusho ya Vidiye Tshimanga, amugaragaza ari kuganira n’abashoramari abasaba amafaranga kugira ngo abafashe.

Muri ayo mashusho yafatiwe i Londres mu Bwongereza, hari aho uyu mugabo abwira abo bashoramari, ko bazashora miliyoni 200, bagakora bakabona inyungu ariko ko azaba afite imigabane muri sosiyete yabo.

Vidiye Tshimanga yahise yegura ndetse atangira gukurikiranwa mu nkiko ku byaha bya ruswa, gukoresha ububasha bwe no kugomera umukuru w’igihugu.

Tshimanga yatawe muri yombi tariki 21 Nzeri 2022, nyuma aza kurekurwa ngo aburane ari hanze.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .