00:00:00 IGIHE NETWORK KN KINYARWANDA EN ENGLISH FR FRANCAIS

Umugore wapfuye abyara yateje impagarara muri Sénégal

Yanditswe na Mukahirwa Diane
Kuya 24 April 2022 saa 11:19
Yasuwe :

Urupfu rw’umugore witwa Astou Sokhna wapfanye n’umwana yari ari kubyara rukomeje guteza impagarara muri Sénégal, nyuma y’uko ababyaza batandatu bashinjwe ku murangarana.

Ishyirahamwe ry’abaforomo n’ababyaza n’abandi bafite aho bahuriye n’inzego z’ubuzima muri iki gihugu, kuwa kane baramukiye mu myigaragambyo bamagana icyemezo cyo kujyana bagenzi babo mu nkiko.

Abigaragambya batangaje ko bagiye guhagarika akazi mu gihe cy’iminsi itatu kuko ababashinja kugira uruhare mu rupfu rw’uyu mugore n’umwana we atari byo, ahubwo ngo byaturutse ku miterere igoye y’akazi kabo.

Tariki ya 1 Mata 2022 nibwo Astou Sokhna n’umwana yari atwite baguye mu bitaro bya Leta biherereye mu gace ka Louga.

Amakuru atangwa n’ibitangazamakuru byo muri Sénégal avuga ko yazize kuba kwa muganga baranze kumubyaza abazwe kuko yabisabye inshuro nyinshi ariko ibitaro bimubwira ko bitateganyijwe.

Urupfu rw’uyu mugore rukimara kumenyekana, rwateje impaka z’urudaca ku mbuga nkoranyambaga benshi bemeza ko yazize uburangare bw’abaganga.

Perezida Macky Sall yahise avuga ko agiye gutangiza iperereza kuri urwo rupfu.

Abaforomokazi batandatu barezwe kuba bataritaye kuri uyu mugore bagomba kugezwa imbere y’urukiko ku wa 27 Mata 2022.

Abakora mu nzego z'ubuzima muri Sénégal bamaganye icyemezo cyo kujyana bagenzi babo mu nkiko bazira urupfu rw'umugore wapfanye n'umwana yari ari kubyara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .