00:00:00 IGIHE NETWORK KN KINYARWANDA EN ENGLISH FR FRANCAIS

Umugore wa Perezida Eduardo dos Santos n’umuganga we bashinjwe gushaka kumwivugana

Yanditswe na IGIHE
Kuya 6 July 2022 saa 09:12
Yasuwe :

Umukobwa wa Jose Eduardo dos Santos wabaye Perezida wa Angola, Tchize Dos Santos yatanze ikirego mu rukiko ashinja umugore w’uyu mugabo urwariye muri Espagne n’umuganga we gushaka kumwica.

Hashize iminsi Jose Eduardo dos Santos wabaye Perezida wa Angola kuva mu 1979 kugeza mu 2017 ari muri koma mu bitaro by’i Barcelona muri Espagne.

Uyu mugabo urwariye mu ndembe yashyizwe mu bitaro nyuma y’uko ku wa 23 Kamena 2022 agize ikibazo cy’umutima.

Amakuru dukesha Ibiro Ntaramakuru by’Abafaransa, AFP, avuga ko umukobwa w’uyu mugabo witwa Tchize Dos Santos yamaze kugeza ikirego ku Rwego rushinzwe Ubugenzacyaha muri Espagne ashinja umugore wa se n’umuganga we gushaka kumwivugana.

Uyu mukobwa avuga ko uko ubuzima bwa se bumeze uyu munsi byatewe na mukase witwa Ana Paula dos Santos ndetse n’umuganga we, gusa ntagaragaza uko byakozwe.

Urwego rushinzwe Ubugenzacyaha muri Espagne rwemeje ko rwakiriye iki kirego ndetse rugiye gutangira iperereza.

Mu rwego rw’umutekano wa Eduardo dos Santos, uyu mukobwa yasabye inzego z’umutekano zashyiraho amabwiriza agena ko yemerewe gusurwa n’abana be gusa.

Ana Paula dos Santos na Eduardo dos Santos bashyingiranywe mu 1991. Bombi bahuye ubwo uyu mugore wabaye n’umunyamideli yakoraga mu ndege itwara Perezida.

Eduardo dos Santos yashatse uyu mugore nyuma ya Tatiana Kukanova ari na we babyaranye Tchize Dos Santos na Isabel dos Santos.

Umugore wa Perezida Eduardo dos Santos n’umuganga we bashinjwe gushaka kumwivugana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .