Ubusanzwe Zanzibar nk’ikirwa na Tanzania bifatwa nk’igihugu kimwe guhera mu 1964.

Hashize igihe kinini abatuye ibyo bice byombi bahahirana, bakagenderanira nta kindi bitwaje uretse ibyangombwa bisanzwe bya Tanzania.

Icyakora Depite Issa yatangarije The Citizen dukesha iyi nkuru ko hari abantu benshi bakomeje gutura muri Zanzibar ku buryo kuhabona icumbi kuri ubu ari ingorabahizi.

Niho yahereye asaba ko hashyirwaho amabwiriza mashya, umuntu wese uhinjiye atahavuka akagaragaza pasiporo harimo n’abava muri Tanzania yahoze ari Tanganyika.

Ati “Zanzibar yuzuyemo abantu benshi kandi nidukomeza gutya tuzabura aho kuba.”

Imvugo ya Issa yarakaje benshi mu batuye Tanzania, bajya ku mbuga nkoranyambaga baramwibasira bibaza niba aricyo bamutumye mu Nteko kubakorera.

Abanya-Tanzania bagiye muri Zanzibar ntabwo basabwa passport