Umubare w’abanduye COVID-19 muri Afurika y’Epfo warenze miliyoni

Yanditswe na IGIHE
Kuya 28 Ukuboza 2020 saa 08:09
Yasuwe :
0 0

Umubare w’abanduye icyorezo cya Coronavirus muri Afurika y’Epfo warenze miliyoni, iki gihugu kiba icya mbere ku Mugabane wa Afurika kigize ubwandu bwinshi.

Kuri iki Cyumweru nibwo Minisitiri w’Ubuzima muri Afurika y’Epfo, Zweli Mkhize, yatangaje ko umubare w’abanduye COVID-19 muri iki gihugu ugera kuri 1,004,413 ndetse n’abo kimaze guhitana barenga ibihumbi 26.

Umubare w’abandura COVID-19 warushijeho kwiyongera mu byumweru bibiri bishize aho nibura buri munsi handuraga ababarirwa mu bihumbi 11, ndetse kuva ku wa Gatanu nibura handuraga ababarirwa mu bihumbi 14.

Zimwe mu mpamvu zishyirwa mu majwi zatumye Coronavirus ikomeza gukwirakwira ku kigero kiri hejuru ni uko muri iki gihugu habonetse ubwoko bushya bw’iyi virusi buzwi nka 501.V2, cyane ko bwandura cyane ugereranyije n’iyari isanzwe.

Kubera umubare w’abandura ukomeje gutumbagira byitezwe ko Perezida wa Afurika y’Epfo, Cyril Ramaphosa, ari buvuge ijambo rikubiyemo ingamba nshya zo gukomeza kwirinda COVID-19.

Abamaze kwandura COVID-19 hirya no hino ku Isi barenga miliyoni 80, mu gihe abo imaze guhitana barenga miliyoni 1.7.

Umubare w'abanduye COVID-19 muri Afurika y'Epfo warenze miliyoni imwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .