Umubare w’abanduye Coronavirus muri Afurika umaze kurenga miliyoni imwe

Yanditswe na Bukuru JC
Kuya 7 Kanama 2020 saa 09:08
Yasuwe :
0 0

Abamaze kwandura icyorezo cya Coronavirus ku mugabane wa Afurika barenze miliyoni imwe, gusa hari icyizere ko iki cyorezo kitazazahaza uyu mugabane nk’uko bimeze ku yindi.

Abamaze kwandura mu bihugu byose bya Afurika ni 1,000,054 abapfuye ni 21,724. Abarenga kimwe cya kabiri cy’abamaze kwandura muri Afurika bari mu gihugu kimwe ari cyo Afurika y’Epfo.

Ibihugu bitanu byonyine byihariye 75% by’ubwandu muri Afurika. Ubwandu bwinshi bwiganje mu mijyi ariko bushobora kwiyongera n’ahandi kuko mu bihugu byinshi hakiri ikigero cyo hasi cyane cyo gupima.

Ishami ry’umuryango w’abibumbye ryita ku buzima (OMS), ryatangaje ko ibihugu bimwe na bimwe bifite igabanuka ry’ubwandu rya 20% ariko hakiri kare kwemeza ko ari urugendo rwo gucika kw’icyorezo rwatangiye.

Ikigo Nyafurika gishinzwe kurwanya no gukumira indwara (Africa CDC), kivuga ko 70% by’abanduye Coronavirus muri Afurika bayikize bityo uyu mugabane ukaba udakwiye gushya ubwoba, ahubwo ugomba kwibanda ku gukora ibikwiriye no gukoresha siyansi mu gufata ingamba.

Kugeza ubu ku Isi yose abantu barenga miliyoni 18.6 basanzwemo Coronavirus naho abagera ku 702,000 imaze kubica.

Abarenga miliyoni bamaze kwandura Coronavirus muri Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .