Uganda yahakanye iby’uko Perezida Museveni yakingiwe COVID-19 rwihishwa

Yanditswe na Bukuru JC
Kuya 24 Gashyantare 2021 saa 02:11
Yasuwe :
0 0

Inzego z’ubuzima muri Uganda zateye utwatsi amakuru yari amaze iminsi acicikana avuga ko Perezida w’iki gihugu, Yoweri Kaguta Museveni n’abandi bayobozi bakuru baba barakingiwe icyorezo cya COVID-19 mu ibanga, cyane ko nta nkingo ziragera muri iki gihugu.

Mu ntangiriro z’iki cyumweru nibwo mu kinyamakuru cyo muri Uganda Daily Monitor no mu cyo muri Leta Zunze Ubumwe za Amerika, The Wall Street Journal hatangiye gucicikana amakuru avuga Perezida Museveni n’abantu be ba hafi bakingiwe COVID-19.

Mu kiganiro Minisitiri w’Ubuzima muri Uganda, Jane Ruth Aceng yagiranye n’itangazamakuru ku wa 23 Gashyantare, yahakanye aya makuru avuga Perezida Museveni atigeze akingirwa COVID-19.

Ati “Ndashaka gusobanura neza ko yaba Perezida Museveni cyangwa abantu be ba hafi nta n’umwe wigeze akingirwa COVID-19 nk’uko byatangajwe na Daily Monitor na The Wall Street Journal.”

Daily Monitor yavugaga ko Perezida Museveni yakingiwe hakoreshejwe urukingo rw’Abashinwa rwakozwe na Sinopharm, ikemeza ko bidakwiye ko yakingirwa mu gihe abakora mu nzego z’ubuzima n’abandi bashobora kwibasirwa cyane na COVID-19 batarakingirwa.

Minisitiri w'Ubuzima muri Uganda, Dr Jane Ruth Aceng yahakanye amakuru yavugaga ko Perezida Museveni yakingiwe COVID-19 mu ibanga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .