Uganda yafunguye abahanzi bo muri Nigeria, ibaha igihe ntarengwa cyo kuva ku butaka bwayo

Yanditswe na Uwiduhaye Theos
Kuya 15 Ukuboza 2020 saa 08:37
Yasuwe :
0 0

Urukiko Rukuru rwa Makindye muri Uganda rwategetse ifungurwa ry’abahanzi bo muri Nigeria Stanley Omah Didia [Omah Lay] na Temilade Openyi [Tems], bari bakurikiranyweho kwica amabwiriza yo kwirinda COVID-19.

Aba bahanzi bafunzwe nyuma y’igitaramo bakoreye mu Mujyi wa Kampala ahitwa Ddungu Resort i Munyonyo, ku wa Gatandatu ushize, kandi binyuranyije n’amategeko y’iki gihugu.

Nyuma yo gufungwa kw’aba bombi, abahanzi batandukanye muri Uganda no muri Nigeria, bashinje Polisi ya Uganda uburangare bavuga ko niba iki gitaramo kitari cyemewe batari kwemera ko kiba ndetse bikiyongeraho ko cyabaye banabacungiye umutekano.

Nyuma y’aho Jude Okumu Muwone ukuriye Urukiko Rukuru rwa Makindye, ategetse ko aba bahanzi barekurwe ndetse Ubushinjacyaha bwahagaritse ibirego bwari bubakurikiranyeho.

Abari bateguye iki gitaramo nibo bagiye gusigara bakurikiranwa. Aba bahanzi biteganyijwe ko bahita bataha iwabo muri Nigeria mu ijoro ryo ku wa Kabiri tariki 15 Ukuboza 2020.

Aba bahanzi bari bafungiwe kuririmba mu gitaramo batumiwemo muri Uganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .