00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Urukiko rwategetse igisirikare kuva ku rugo rwa Bobi Wine

Yanditswe na Dufitumukiza Salathiel
Kuya 25 Mutarama 2021 saa 12:41
Yasuwe :
0 0

Urukiko rukuru muri Uganda rwategetse ko abasirikari n’abapolisi bamaze igihe bagose urugo rwa Robert Kyagulanyi [wamamaye cyane mu muziki nka Bobi Wine] bahava, nyuma y’iminsi isaga 10 batamwerera kuhasohoka no gusurwa.

The East African yatangaje ko urukiko rwatanze itegeko kuri uyu wa Mbere tariki 25 Mutarama 2021, rihagarika ibikorwa byo gufungira uwo munyapolitiki utavuga rumwe n’ubutegetsi mu rugo rwe kuko bitemewe n’amategeko.

Bobi Wine uheruka guhangana na Perezida Yoweri Museveni mu matora y’umukuru w’igihugu yabaye kuwa 14 Mutarama 2021, kuva ku wa 15 Mutarama 2021 inzego z’umutekano muri icyo gihugu zamufungiranye mu rugo rwe, aho atemerewe gusohoka cyangwa ngo asurwe n’undi muntu.

Ni mu gihe ibyavuye muri ayo matora byemeje ko Perezida Museveni ari we watsinze akemererwa kuyobora icyo gihugu muri manda ye ya 6.

Bobi Wine yagiye avuga kenshi ko inzego z’umutekano zamubangamiye rimwe na rimwe akanavuga ko agiye kwicwa n’inzara, ariko bamwe mu bayobozi b’izo nzego bakavuga ko bari kumurindira umutekano ngo hatagira abamugirira nabi.

Urugo rwe rugoswe impande zose n’abasirikari, ndetse ku marembo hashyizwe bariyeri ibuza abantu kuhagana.

Mu gihe kingana n’iminsi icumi, nta muntu wari wemerewe kubonana na Bobi Wine, ndetse na Ambasaderi wa Leta zunze Ubumwe za Amerika muri icyo gihugu yashatse kumusura ariko baramwangira.

Hari hashize ibyumweru hafi bibiri urugo rwa Bobi Wine rugoswe n'abasirikare

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .