00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Umwalimu wa Kaminuza wishe abakobwa be babiri ngo yarashotowe

Yanditswe na Bukuru JC
Kuya 8 June 2022 saa 08:01
Yasuwe :

Emmanuel Sabiiti Ndyanabo wahoze ari umwalimu muri Kaminuza ya Makerere muri Uganda, yatangaje ko yafashe umwanzuro wo kwihekura akica abakobwa be babiri kuko umugore we yamucyuriye amubwira ko atari abe.

Mu cyumweru gishize nibwo Ndyanabo wo mu mujyi wa Masheruka mu Burengerazuba bwa Uganda, yishe abakobwa be babiri, undi w’umuhungu aramukomeretsa.

Yahise atoroka ariko inzego z’umutekano zimuhigira hasi kubura hejuru, ziza kumufatira mu karere ka Buhweju.

Polisi yatangaje ko uwo mugabo akimara gufatwa, yavuze ko yishe abana be kubera ubushotoranyi yakorerwaga n’umugore we kugeza ubwo amusanze aryamanye n’undi mugabo mu rugo rwe.

Ati “Nabikoze kubera ko nasanze umugore tumaranye imyaka 15 ari kumwe n’undi mugabo mu rugo. Ubwo najyaga gufata umuhoro barirutse ariko nahise mbona hari undi muntu winjiye mu cyumba, mpita mbigenza kuriya. Ibyo nakoze nabitewe n’agahinda, ntabwo nari nabigambiriye.”

Ndyanabo yavuze ko yamaze igihe kinini ataryamana n’umugore we kubera kutumvikana ariko agatungurwa no kumubona atwite.

Ngo ubuyobozi bwari bwarabagiriye inama yo gutegereza umwana akavuka bakajya gupima isanomuzi ariko ubwo umwana yavukaga, ngo umugore yamutwaye ahandi.

Bivugwa ko uretse abana babiri b’abakobwa Ndyanabo yishe, ngo yanakomerekeje bikomeye umuhungu we n’umukozi wo mu rugo.

Emmanual Sabiiti Ndyanabo yahoze yigisha Igiswahili muri Kaminuza ya Makerere.

Ndyanabo yavuze ko yishe abana be kubera umujinya yatewe n'umugore we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .