Uganda: Umuntu wa gatanu yishwe na Coronavirus

Yanditswe na Bukuru JC
Kuya 3 Kanama 2020 saa 03:52
Yasuwe :
0 0

Minisiteri y’Ubuzima muri Uganda yatangaje ko umuntu umwe yishwe na Coronavirus bituma umubare w’abamaze guhitanwa n’iki cyorezo uba batanu.

Itangazo ry’iyi Minisiteri rivuga ko mu bipimo byafashwe kuri iki cyumweru habonetsemo abantu 13 banduye bituma umubare wabo ugera ku 1195.

Uwapfuye ni umugore w’imyaka 46 ukomoka muri Aziya akaba yari atuye ahitwa Kubuli muri Kampala.

Umuyobozi mukuru wa serivisi z’ubuzima Dr Henry Mwebesa, yatangaje ko uwapfuye kuwa 1 Kanama yagaragaje ibimenyetso bya Coronavirus ari ku bitaro bya Kubuli Muslim Hospital.

Dr Mwebesa yavuze ko ibitaro byahise bimwohereza ku by’icyitegererezo bya Mulago ngo yitabweho ariko akaza kugwa mu nzira bamujyanye.

Ibizamini byakorewe umurambo bikajya gusesengurirwa muri laboratwari byagaragaje ko yari arwaye Covid-19. Iperereza ryisumbuye kandi ryerekanye ko yari arwaye diabete akaba atarafataga imiti, hakiyongeraho ko mu myaka 10 ishize bamusanzemo Asima.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .