Museveni yazamuye umuhungu we ku ipeti rya Lieutenant General

Yanditswe na HABIMANA James
Kuya 9 Gashyantare 2019 saa 08:13
Yasuwe :
0 0

Perezida wa Uganda Yoweri Kaguta Museveni yazamuye mu ntera umuhungu we w’imfura Muhoozi Kainerugaba, amuvana ku ipeti rya General Major amugira Lieutenant General.

Lt Gen Kainerugaba w’imyaka 44 yazamuwe mu bandi basirikare 2,031 bazamuwe mu ntera na Perezida Museveni.

Mu 2016 Museveni yari yazamuye uyu muhugu we amugira General Major avuye ku ipeti rya Brigadier General, anahabwa kuyobora umutwe udasanzwe w’ingabo (Special Forces) ari nawo urinda perezida.

Mu bandi bazamuwe harimo umugore wa mbere wagizwe Lt Gen avanwe kuri General Major, witwa Prossy Nalweyiso.

Iri zamurwa mu ma peti kandi ryatumye abasirikare babiri bagirwa ba General, aba ni Ivan Koreta na Joram Mugume, 10 bashyishywa ku ipeti rya Lieutenant Geneneral, 16 bagirwa General Major naho 35 bagirwa ba Brig General.

Lt Gen. Muhoozi Kainerugaba yize igisirikare mu Bwongereza muri Royal Military Academy Sandhurst, yiga muri Leta zunze ubumwe za Amerika muri US Army Command and General Staff College akora n’indi myitozo muri Afurika y’Epfo, Misiri na Uganda.

Abakurikiranira hafi Politiki ya Uganda bavuze ko uburyo Museveni akomeje kuzamura uyu muhungu we, ari nk’uburyo bwo kumutegura kuzamusimbura ku butegetsi yagiyeho kuva mu 1986.

Muhoozi Kainerugaba yagizwe Lieutenant General

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza