00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Inkingo za COVID-19 zatangiye kwibwa

Yanditswe na IGIHE
Kuya 14 Kamena 2021 saa 10:01
Yasuwe :
0 0

Polisi ya Uganda yatangaje ko hari inkingo za COVID-19 zatangiye kwibwa ndetse yemeza ko yataye muri yombi abantu 10 bari bihishe inyuma y’ibi bikorwa.

Abo bantu bafatanywe doze 600 z’urukingo rwa Covid-19 rwakozwe na AstraZeneca. Izi nkingo ngo zacururizwaga muri farumasi ebyiri zigenga zo mu Murwa Mukuru Kampala.

Polisi ya Uganda yavuze ko kugeza ubu itarabasha kumenya uko izi nkingo zibwa n’uburyo zigera muri farumasi zigenga ariko iri kubikoraho iperereza.

Umuyobozi w’Ihuriro ry’Abaganga muri Uganda, Dr Richard Idro yabwiye NTV ko bibabaje kuba inkingo za Covid-19 zitangiye kwibwa mu gihe iki gihugu cyabonye gusa doze z’inkingo 900 060 kandi gifite abaturage barenga miliyoni 40 gikeneye gukingira.

Ibi birego by’ubujura bw’inkingo za Covid-19 muri Uganda bitangiye kuzamuka mu gihe iki gihugu cyugarijwe n’iki cyorezo, ibintu byatumye hasubizwaho gahunda gufunga ibikorwa bimwe na bimwe.Kugeza ubu muri Uganda abarenga ibihumbi 40 bamaze kwandura iki cyorezo mu gihe abasaga 334 cyabahitanye.

Zimwe mu nkingo za COVID-19 Uganda yari yamaze kubona zatangiye kwibwa no gucururizwa muri farumasi zigenga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .