00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Impanuka 387 zabaye mu cyumweru kimwe

Yanditswe na IGIHE
Kuya 3 May 2022 saa 03:35
Yasuwe :

Polisi ya Uganda yatangaje ko mu cyumweru kimwe gusa hagati ya tariki 24 na 30 Mata 2022, habaye impanuka 387 zihitana abantu 67 naho 274 barakomereka.

ASP Nampiima Faridah ukora mu ishami rya Polisi ya Uganda rishinzwe umutekano wo mu muhanda, yavuze ko mu mpanuka zabaye harimo 60 zahitanye ubuzima bw’abantu, 213 zari zikomeye na 114 zoroheje.

Yakomeje ati "Abantu 341 bakoze impanuka muri icyo gihe, maze 67 muri bo barapfa naho 274 barakomereka. Impanuka 119 zabaye muri iyi minsi ibiri gusa, muri izo abantu 21 zahitanye abantu, 62 zari zikomeye, 36 zari zoroheje."

Mu mpanuka zose zabaye mu minsi ibiri ishize zarimo abantu 111, barimo 23 bapfuye na 88 bakomeretse.

Muri icyo gihe kandi ibyaha byo mu muhanda byakozwe byageraga ku 9,679.

ASP Nampiima yavuze ko bakomeje gushyira imbaraga mu gukurikirana ibyaha byo mu mihanda, aho muri icyo gihe hafashwe perimi zitemewe 837.

ASP Nampiima Faridah yavuze ko impanuka zabaye nyinshi muri iki gihe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .