00:00:00 IGIHE NETWORK KN KINYARWANDA EN ENGLISH FR FRANCAIS

Uganda : Amuriat uhatanira kuba Perezida yangiwe na Polisi kwiyamamaza yicara mu muhanda

Yanditswe na Bukuru JC
Kuya 29 Ugushyingo 2020 saa 01:40
Yasuwe :
0 0

Umukandida w’Ishyaka rya FDC, Patrick Amuriat Oboi akaba umwe mu bazahatana na Perezida Yoweri Museveni, mu matora y’umukuru w’igihugu ateganyijwe kuba umwaka utaha, Polisi yamwitambitse imubuza kujya mu bikorwa byo kwiyamamaza na we ayibera ibamba aricara mu muhanda ararambya.

Byari biteganyijwe ko kuri iki Cyumweru Patrick Amuriat n’abamuherekeje biyamamariza mu gace ka Kyanika, gusa ubwo yari ageze Kisoro Polisi yo muri aka gace yamwangiye ko akomeza urugendo maze we n’abari bamuherekeje bava mu modoka barambya mu muhanda.

Kugeza ubu ntiharatangazwa impamvu uyu mugabo yangiwe gukomeza ngo ajye aho yagombaga kwiyamamariza.

Ku wa 18 Ugushyingo uyu mugabo nabwo yatawe muri yombi ubwo yari asanzwe mu bikorwa byo kwiyamamaza gusa nyuma y’iminsi mike ararekurwa. Ubwo yafungwaga ninabwo Robert Kyagulanyi uzwi nka Bobi Wine na we yari yafunzwe.

Amatora ya Uganda ateganyijwe kuba ku wa 14 Mutarama mu 2021, aho Perezida Museveni umaze ku butegetsi imyaka 34 azaba ahanganye n’abandi bantu 10.

Polisi yahagaritse imodoka yari irimo Amuriat n'abamuherekeje
Amuriat n'abamuherekeje bahisemo kwiyicarira mu muhanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .