00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Abanyeshuri 11 bishwe n’inkongi yibasiye ishuri ry’abatabona

Yanditswe na Rosine Ingabire
Kuya 25 Ukwakira 2022 saa 08:09
Yasuwe :

Abana b’abakobwa 11 baguye mu nkongi yibasiye ishuri ry’abafite ubumuga bwo kutabona, Salama School for the Blind riherereye mu Karere ka Mukono mu nkengero za Kampala.

Itangazo ryashyizwe hanze n’ubuyobozi bw’ishuri, rivuga ko inkongi yadutse mu nzu abanyeshuri bararamo mu ijoro ryo kuri uyu wa Mbere.

Francis Kinubi uyobora iryo shuri yagize ati “Imwe mu nzu abanyeshuri bararamo yafashwe n’inkongi mu ijoro, irashya. Ushinzwe abo banyeshuri niwe watabaje. Ni inzu yararagamo abakobwa bato, yahiye irakongoka ku bw’amahirwe make 11 bapfiramo.”

Polisi ya Uganda yatangaje ko hari abandi banyeshuri batandatu bajyanywe mu bitaro barembye. Icyateye impanuka ntabwo kiramenyekana.

Fatuma Ndisaba uri mu buyobozi mu karere ka Mukono, yabwiye NTV ko abana bapfuye bari hagati y’imyaka 8 na 10. Kubera inkongi, bahiye barakongoka ku buryo kumenya imyorondoro yabo hazitabazwa isuzuma ry’uturemangingo ndangasano (DNA).

Agahinda ni kose ku babyeyi bafite abana baguye muri iyi nkongi
Inkongi yadutse mu gicuku abana basinziriye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .