Uganda: Abantu barindwi bakora mu nzego z’ubuzima banduye Coronavirus

Yanditswe na IGIHE
Kuya 1 Kamena 2020 saa 01:07
Yasuwe :
0 0

Guverinoma ya Uganda kuri iki Cyumweru yatangaje ko abantu barindwi bakora mu nzego z’ubuzima basanzwemo Coronavirus, bahita bashyirwa mu bitaro bagomba kuvurirwamo.

Minisiteri y’Ubuzima yatangaje ko basanzwemo COVID-19 harimo abaforomo batatu, abaganga babiri n’abayobozi babiri bo mu nzego nkuru z’ubuzima. Abo bose ngo bahise bajyanwa aho bagomba kuvurirwa mu bitaro bya Entebbe na Mulago.

Kuri uyu wa Mbere bwo Uganda yatangaje ko mu bipimo byafashwe ku Cyumweru, habonetsemo abantu 40 banduye icyorezo cya Coronavirus, bituma umubare w’abamaze kwandura iki cyorezo ugera kuri 457.

Muri abo harimo abantu 23 bari abashoferi b’amakamyo basanzwemo iki cyorezo baturutse mu bihugu bya Sudani y’Epfo, Tanzania na Repubulika ya Demokarasi ya Congo. Abandi bantu 17 ni abahuye n’abaheruka gusangwamo Coronavirus.

Guverinoma ya Uganda kandi yatangaje ko yasubije iwabo abashoferi 31 b’abanyamahanga batwara amakamyo basanzwemo Coronavirus, barimo 11 bo muri Tanzania, 19 bo muri Kenya n’umwe wo muri Eritrea.

Kugeza ubu muri Uganda abantu 303 nibo barwaye COVID-19 aho bari mu bitaro 15 bitandukanye, 72 nibo bakize basezererwa mu bitaro, ntawe iyi ndwara irahitana.

Minisitiri w'Ubuzima wa Uganda, Dr Jane Ruth Aceng

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .