00:00:00 IGIHE NETWORK KN KINYARWANDA EN ENGLISH FR FRANCAIS

Uganda: Abantu 12 bishwe n’inzoga

Yanditswe na IGIHE
Kuya 22 August 2022 saa 04:07
Yasuwe :

Polisi yo mu Karere ka Madi-Okollo muri Uganda irimo gukora iperereza ku rupfu rw’abantu 12 bapfuye nyuma yo kunywa inzoga yitwa City 5 Pineapple Flavoured Gin.

Aba bantu bapfuye hagati yo ku wa Gatandatu no ku Cyumweru, abandi benshi barimo n’umucuruzi w’iyi nzoga bari mu bitaro aho bikekwa ko barozwe.

Iyi nzoga bigaragara ko ikozwe mu mazi meza, alcohol n’inanasi nk’uko byanditse ku icupa.

Uhagarariye polisi muri ako gace yavuze ko bafashe impagararizi kuri iyo nzoga kugira ngo zijye gukorerwa isuzuma. Abantu bane batawe muri yombi mu gihe uruganda rukora iriya nzoga ya City 5 Pineapple Flavoured Gin rwafunzwe.

Mu 2010 nabwo abantu 80 barapfuye mu Majyepfo ashyira Uburengerazuba bwa Uganda nyuma yo kunywa inzoga zarimo ikinyabutabire cya Methanol.

Muri Uganda abantu 12 bitabye Imana nyuma yo kunywa iyi nzoga yitwa City 5 Pineapple Flavoured Gin

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .