Uganda: Abanduye COVID-19 bageze kuri 14

Yanditswe na IGIHE
Kuya 25 Werurwe 2020 saa 02:01
Yasuwe :
0 0

Minisiteri y’Ubuzima muri Uganda yatangaje ko habonetse abandi bantu batanu banduye Coronavirus, ku buryo umubare w’abanduye ugeze kuri 14.

Ku wa 22 Werurwe nibwo Minisiteri y’Ubuzima muri Uganda yemeje ko umuntu wa mbere muri Uganda yasanzwemo indwara ya Coronavirus. Uwo ni umunya-Uganda w’imyaka 36 wageze mu gihugu ku wa 21 Werurwe aturutse i Dubai.

Mu kiganiro n’abanyamakuru kuri uyu wa Gatatu, Umuyobozi Mukuru muri Minisiteri y’Ubuzima ushinzwe serivisi z’ubuzima, Dr Henry G. Mwebesa, yavuze ko imibare y’abanduye Coronavirus yiyongereye.

Yakomeje ati "Kugeza kuri uyu wa 25 Werurwe 2020, hari abandi bantu batanu banduye COVID-19, bituma umubare w’abanduye mu gihugu hose ugera ku bantu 14."

Dr Mwebesa yavuze ko kuva hafatwa ingamba zikomeye, Uganda imaze kwakira abagenzi 2661 barimo 1230 bari gukurikiranwa, bagizwe na 764 bashyizwe mu kato n’abantu 466 bishyize mu kato.

Magingo aya abantu 1431 bamaze kurangiza akato bari barashyizwemo k’iminsi 14.

Dr Mwebesa yavuze ko abanduye Coronavirus muri Uganda biyongereye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .