Uganda: Abakozi n’abaganga bo mu bitaro bya Kabale bashyizwe mu kato kubera Coronavirus

Yanditswe na IGIHE
Kuya 2 Kanama 2020 saa 12:48
Yasuwe :
0 0

Abaganga 10 n’abarwayi bagera kuri 68 bo mu bitaro bya Kabale muri Uganda bashyizwe mu kato nyuma y’uko umwe mu bashyizwe mu kato asanzwemo icyorezo cya Coronavirus.

Umuyobozi Ushinzwe Ubuzima mu Karere ka Kabale, Alfred Besigensi, yavuze ko umurwayi wagaragaye yabonetse mu bipimo byafashwe, bikajyanwa muri laboratwari y’igihugu ngo bisuzumwe.

Yavuze ko umurwayi w’imyaka 56 wagaragaye yari yaturutse i Kampala, ajya mu gace ka Nyakijumba ho mu mujyi wa Kabale. Yajyanywe mu bitaro nyuma yo gusangwamo umuriro mwinshi ndetse ababara umutwe.

Besigensi yavuze ko kwakira abarwayi bashya byabaye bihagaritswe, asaba abashakaga kujyayo kwivuza kwifashisha andi mavuriro.

Ubuyobozi bwa Uganda kandi kuri uyu wa Gatandatu bwemeje ko umuntu wa kane yishwe n’icyorezo cya COVID-19, uwo akaba ari umukecuru w’myaka 61 wo mu mujyi wa Kampala. Minisiteri y’Ubuzima ivuga ko abamaze kwandura icyo cyorezo muri Uganda aria bantu 1,176.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .