Ubushotoranyi bwa Museveni mu baturanyi si ubwa none

Yanditswe na Bukuru JC
Kuya 26 Gashyantare 2020 saa 02:53
Yasuwe :
0 0

Imyaka itatu irirenze umubano w’u Rwanda na Uganda urimo igihu bitewe n’ubushotoranyi bw’ubutegetsi bwa Museveni, buta muri yombi abanyarwanda binyuranyije n’amategeko bagakorerwa iyicarubozo, bugafasha abagambiriye guhungabanya umutekano w’u Rwanda ndetse bukabangamira ubucuruzi bwarwo.

Amateka agaragaza ko iyi migirire ya Yoweli Museveni atari mishya kuko kuva yajya ku butegetsi mu myaka 34 ishize, gushotora abaturanyi bisa n’ibyabaye umuco kuri we.

Ku ngoma ya Museveni, umwuka w’intambara wigeze gututumba hagati ya Uganda na Kenya inshuro zirenze imwe. Mu 1986 Museveni yategetse ko ingabo za Uganda zirundira ku mupaka w’iki gihugu na Kenya.

Icyo gihe Uganda yashinjaga Kenya gucumbikira imitwe y’abantu bashakaga guhirika ubutegetsi bwa Museveni ndetse ngo abo bafatwaga nk’inyeshyamba bicaga abaturage b’abasiviri barimo n’abajyanama ba guverinoma batowe mu buryo bwemewe n’amategeko muri Uganda.

Perezida Museveni yavuze ko ingabo z’igihugu cye zigomba guhangana n’inyeshyamba zituruka muri Kenya zikinjira muri Uganda ndetse hanatangwa urutonde rw’abantu bivugwa ko bajyaga muri Kenya gufasha izo nyeshyamba.

Gusa muri icyo gihe Daniel Arap Moi, wayoboraga Kenya, yari yarasenye imitwe yose y’abanyamahanga yashakaga guhungabanya umubano w’igihugu cye n’inshuti zo mu burengerazuba bwa Kenya.

Muri Nzeri 1987, Daniel Arap Moi, yavuze ko kohereza ingabo ku mupaka uhuza ibihugu byombi bisobanuye igikorwa cyo gutangiza intambara kandi Kenya nayo yiteguye guhangana n’ibikorwa ibyo aribyo byose bya Uganda.

Uwari Minisitiri w’umutekano mu biro by’umukuru w’igihugu muri Kenya, Justus Ole Tipis, yamaganiye kure ibyo bikorwa bya Uganda, aho ikibazo cyaje gukomezwa n’impunzi za Uganda zisaga ibihumbi bibiri, zahise zihungira muri Kenya kubera imirwano hagati y’ingabo za leta n’inyeshyamba.

Impunzi zashinjaga ingabo za Uganda kuzihohotera zizibeshyera ko zitera inkunga inyeshyamba zabaga muri Kenya.

Kurebana ay’ingwe cyane hagati ya Uganda na Kenya ariko byatangiye ubwo uwari Perezida wa Libye Col Muammar el-Qaddafi yasuraga Uganda muri Nzeri 1986.

Abasesenguzi icyo gihe bavuze ko guverinoma ya Kenya itewe impungenge n’ibitekerezo by’ubuhezanguni bya Museveni. Kuva icyo gihe havutse ibibazo bitandukanye byanagize ingaruka ku bucuruzi, gutwara abantu n’ibintu n’itumanaho byari bisanzwe bikubiye mu masezerano y’ubufatanye hagati y’ibihugu byombi.

Uganda ku ruhande rumwe yanashinjaga Kenya kurenga umupaka bisangiye, mu gihe Kenya yo yashinjaga Uganda gutesha agaciro ubucuruzi bari bafitanye, ishyiraho ingamba zidasanzwe zabangamiraga Kenya.

Uko kutumvikana kwatumye Kenya ifunga uburyo bw’itumanaho rya telefoni yahaga Uganda; Uganda nayo yihimura ifunga imiyoboro y’amashanyarazi yajyaga muri Kenya.

Ubundi bushotoranyi bwa Uganda bwagaragaye mu ijoro ryo ku wa gatandatu, tariki ya 3 Ukwakira 2015, ubwo abapolisi bayo barashe ba rushimusi bo mu mazi b’abanya-Tanzania batatu ndetse bafata bugwate abandi batatu mu kirwa cya Migingo. Kuri iki kibazo Tanzania yirinze kugira icyo ivuga.

Amateka yerekana ko ubushotoranyi bwa Museveni atari ubwa none

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza