U Burundi na Sudani y’Epfo byihariye amadeni menshi muri EAC

Yanditswe na IGIHE
Kuya 26 Gashyantare 2020 saa 08:37
Yasuwe :
0 0

Inteko Ishinga Amategeko y’Umuryango wa Afurika y’Iburasirazuba, EALA, yagaragaje ko hari ibihugu binyamuryango bikomeje kugenda biguru ntege mu gutanga imisanzu, aho kugeza ubu biwurimo miliyoni zisaga $20 mu misanzu.

Nk’uko byatangajwe kuri uyu wa Kabiri, izo miliyoni $20.27 ni imisanzu itaratanzwe mu mwaka w’ingengo y’imari ya 2017/2018, mu gihe mu mwaka wa 2016/2017 ataratanzwe ari miliyoni $7.85.

EALA yakomeje iti “Muri ayo mafaranga yose, miliyoni $16.89 cyangwa se 83.34% ni amafaranga yagombaga gutangwa n’u Burundi na Repubulika ya Sudani y’Epfo.”

Inteko rusange ya EALA yasabye ko ibihugu byihutisha gutanga imisanzu yabyo, kuko iyo idatanzwe bigira ingaruka zikomeye ku mikorere y’umuryango.

Perezida wa komisiyo ishinzwe imari, Depite Dr Ngwaru Maghembe, mu cyumweru gishize yavuze ko Eala, inzego za EAC, imishinga na porogaramu zayo bikomeje guhura n’ibibazo by’amikoro kubera imisanzu itaratangwa.

Mu mwaka w’ingengo y’imari warangiye ku wa 30 kamena 2018, hari hemejwe ingengo y’imari ya $115.098. 773, ariko hakoreshejwe $66.918.844, bingana na 58%. Nyuma y’isesengura, byagaragaye ko imishinga 36% ariyo yashyizwe mu bikorwa uko yakabaye, 37% iracyashyirwa mu bikorwa 24% ntiyashyizwe mu bikorwa mu gihe 3% yapfukiranwe n’ibindi bikorwa.

Uyu muryango kandi ubu ugaragaza ko ufite ikibazo cy’abakozi bake, aho nibura 54% by’imyanya itarimo abantu, ku buryo bakeneye gushyirwa mu myanya. Buri gihugu kiba kigomba gutanga $8,371,320 mu mwaka w’ingengo y’imari.

Depite Jean Claude Barimuyabo ageza raporo ku badepite ba EALA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .