00:00:00 IGIHE NETWORK KN KINYARWANDA EN ENGLISH FR FRANCAIS

U Burundi bwavuye ku izima bwemera gutangira gukingira COVID-19

Yanditswe na Mukahirwa Diane
Kuya 29 Nyakanga 2021 saa 10:05
Yasuwe :
0 0

Guverinoma y’u Burundi yemeye gutangira ibikorwa byo gukingira COVID-19 abaturage bayo ndetse itangaza ko imyiteguro yo gutangira iki gikorwa iyigeze kure.

Guverinoma y’u Burundi ivuye ku izina yemera gutangira gukingira nyuma y’igihe kinini cyari gishize yarinangiye ndetse Perezida w’iki gihugu, Evariste Ndayishimiye ntiyahwemaga kuvuga ko Abarundi bazakoresha uburyo busanzwe bw’isuku mu kwirinda COVID-19 gusa.

Amakuru dukesha Anadolu Agency avuga ko iki gihugu kizakingira gikoresheje inkingo cyemerewe na Banki y’Isi.

Minisitiri w’Ubuzima n’ibikorwa byo kurwanya Sida muri iki gihugu, Thaddée Ndikumana, yavuze ko igihugu cye kigiye gutangira gukingira “mu kwirinda ikwirakwira rya COVID-19”.

Yavuze ko nubwo bimeze gutyo inkingo zizahabwa abazishaka. Ati “Banki y’Isi mu gihe gito kiri imbere izaha u Burundi inkingo za COVID-19. Inkingo zizahabwa ababyifuza.”

U Burundi ni cyo gihugu cyo mu Muryango wa Afurika y’Iburasirazuba cyari gisigaye kitaratangira gukingira abaturage bacyo, nyuma ya Tanzania yabitangiye ku wa 28 Nyakanga 2021.

U Burundi ni kimwe mu bihugu by’Afurika byagiye bikerensa ingamba zo kwirinda Covid-19, kuko wasangaga amabwiriza ahandi bakurikiza bo baratereye agati mu ryinyo bavuga ko iki cyorezo kitari mu gihugu cyabo.

Imibare iheruka itangwa n’Ishami ry’Umuryango w’Abibumbye ryita ku Buzima OMS, igaragaza ko kugeza ubu mu Burundi hamaze kugaragara abantu 6 715 banduye Coronavirus, abayikize bangana na 773 ikaba imaze guhitana abantu icyenda.

Minisitiri w’Ubuzima n’ibikorwa byo kurwanya Sida mu Burundi, Thaddée Ndikumana yavuze ko iki gihugu kigiye gutangira gukingira COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .