U Burayi bwemeje urukingo rwa Ebola

Yanditswe na IGIHE
Kuya 19 Ukwakira 2019 saa 09:12
Yasuwe :
0 0

Abagenzuzi bo mu Burayi bemeje urukingo rwa Ebola rwari rumaze iminsi rukoreshwa mu gukumira ko yakwirakwira.

Uru rukingo rwakozwe n’Uruganda rwo muri Leta Zunze Ubumwe za Amerika, Merck & Co., rwiswe V920 nirwo ruri gutangwa mu kurwanya icyorezo cya Ebola.

Urwego rw’abaganga bo mu Burayi rwemeye icuruzwa ry’agateganyo ry’urukingo rwa Ebola rwa mbere ku Isi, aho mu byumweru bike biteganyijwe ko ruzemerwa bya burundu.

Izi zikaba ari intambwe z’ingenzi mu gutuma haboneka urukingo rwo kurengera ubuzima bw’abantu mu bihugu byemeye kurukoresha. Gusa ibi ntacyo bihindura ku buryo rwari rusanzwe rukoreshwa mu kurwanya Ebola muri RDC, aho abantu 230 000 bamaze gukingirwa.

Ibi kandi biraca amarenga y’uko Isi iri hafi kubona umuti wemewe wo gukumira ikwirakwira rya Ebola.

U Rwanda rukaba ruteganya igikorwa cyo gukingira abakuze, urubyiruko n’abana b’imyaka ibiri bo mu bice byegereye ahavugwa icyorezo cya Ebola mu rwego rwo guhangana nacyo.

Urwaye Ebola agira umuriro, ababara umutwe, aribwa mu ngingo, mu muhogo, agacika intege, agahitwa, akaruka cyane kandi kenshi. Mu bindi bimenyetso agaragaza harimo kuribwa mu nda no kuva amaraso ahantu hose hari umwenge ku mubiri. Yandura ku muntu ukoze ku murwayi wayo adafite ubwirinzi.

U Burayi bwateye intambwe yo kwemeza urukingo rwa Ebola

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza