00:00:00 IGIHE NETWORK KN KINYARWANDA EN ENGLISH FR FRANCAIS

Tunisie: Hamadi Jebali wabaye Minisitiri w’Intebe yatawe muri yombi

Yanditswe na IGIHE
Kuya 24 June 2022 saa 07:56
Yasuwe :

Hamadi Jebali wabaye Minisitiri w’Intebe wa Tunisie yatawe muri yombi ya Polisi y’iki gihugu kubera ibyaha bya ruswa no kunyereza umutungo w’igihugu akekwaho.

Umunyamategeko wa Hamadi Jebali wabaye Minisitiri w’Intebe kuva mu 2011 kugeza mu 2013 yavuze ko uyu mugabo yari amaze iminsi akorwaho iperereza bigendanye n’uruganda afite mu Mujyi wa Sousaa. Bivugwa ko uyu mugabo atagaragaza neza ahantu yakuye amafaranga yubakishije uru ruganda.

Nk’uko Reuters ibivuga, mu itangazo umuryango wa Hamadi Jebali washyize hanze wavuze ko polisi y’iki gihugu yinjiye mu rugo rwe, we n’umugore we babaka telefone ubundi bamujyana gufungirwa ahantu hatazwi.

Perezida wa Tunisia, Kais Saied amaze iminsi yarahagurukiye ibyaha bigendanye na ruswa dore ko aherutse kwirukana abacamanaza 57 abashinja ibyaha bifitanye isano na ruswa ndetse no gukingira ikibaba ibikorwa by’iterabwoba.

Ibi byemezo cya Perezida Saied bije bikurikira ibindi bikakaye yafashe mu 2021 byo kwirukana Minisitiri w’Intebe, uw’Ingabo n’uw’Ubutabera no guhagarika imirimo y’Inteko Ishinga Amategeko.

Hamadi Jebali wabaye Minisitiri w’Intebe muri Tunisia yatawe muri yombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .