00:00:00 IGIHE NETWORK KN KINYARWANDA EN ENGLISH FR FRANCAIS

Tundu Lissu utavuga rumwe n’ubutegetsi bwa Tanzania agiye gutahuka

Yanditswe na Rosine Ingabire
Kuya 15 Mutarama 2023 saa 10:06
Yasuwe :

Tundu Lissu, umunyapolitiki utavuga rumwe n’ubutegetsi bwa Tanzania yatangaje ko agiye gutahuka mu gihugu cye, nyuma y’imyaka isaga itanu ari mu buhungiro.

Lissu w’ishyaka Chadema yari amaze imyaka itanu mu Bubiligi, aho yagiye kwivurizwa nyuma yo kuraswa mu 2017, kubwa Perezida John Magufuli.

Ku wa Gatanu Lissu yatangaje ko yiteguye kugaruka mu gihugu vuba, gutangirana n’abandi urugendo rushya rwo kubaka igihugu.

Biteganyijwe ko Lissu azagera muri Tanzania tariki 25 Mutarama 2023. Ni nyuma y’uko Perezida Samia Suluhu Hassan akomoreye amashyaka gukoresha inama abarwanashyaka mu ruhame, nyuma y’igihe bibujijwe n’uwo yasimbuye.

Lissu yavuze ko ibyo Perezida Suluhu amaze gukora byerekana ko ashaka impinduka nziza muri Tanzania.

Samia Suluhu amaze iminsi mu mavugurura arimo no guhindura bimwe mu byemezo byari byarafashwe na Magufuli wamubanjirije.

Kuri ubu yijeje abanyapolitiki ko hagiye gukusanywa ibitekerezo ku buryo Itegeko Nshinga ryavugururwa, amashyaka yose akibona mu rugendo rwo kubaka igihugu, aho kuba CCM iri ku butegetsi.

Mu 2022, Perezida Samia Suluhu yahuriye na Lissu mu Bubiligi, baraganira.

Tundu Lissu agiye kugaruka muri Tanzania nyuma y'imyaka itanu ahunze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .