Tshisekedi yiteguye gupfira mu rugamba rwo kugarura umutekano mu burasirazuba bwa RDC

Yanditswe na Evariste Nsengimana
Kuya 8 Ukwakira 2019 saa 09:09
Yasuwe :
0 0

Perezida wa Repubulika Iharanira Demokarasi ya Congo, Félix Tshisekedi, yatangaje ko yiteguye kuba yanapfira mu rugamba rwo kugarura umutekano mu Burasirazuba bw’icyo gihugu, agace kamaze imyaka irenga 25 karahindutse indiri y’inyeshyamba n’imitwe y’iterabwoba.

Imitwe y’iterabwoba n’inyeshyamba irwanira mu burasirazuba bwa RDC irimo FDLR igizwe na bamwe mu bagize uruhare muri Jenoside yakorewe abatutsi n’iyindi, yakunze gushyirwa mu majwi guhungabanya umutekano w’Akarere no kuba ibikorwa ikorwa yifashisha amafaranga ikura mu bucukuzi bw’amabuye y’agaciro y’iki gihugu butemewe.

AFP yatangaje ko kuri uyu wa Mbere ubwo yari i Bukavu mu Ntara ya Kivu y’Amajyepfo aganira n’abaturage mbere yo gufungura Laboratwari ipima umusaruro w’ibikomoka ku buhinzi kuri uyu wa Kabiri, Tshisekedi yabwiye abaturage ko yiteguye no kuba yapfira mu rugamba rwo kugarura umuteno muri ako gace.

Ati “Urugamba rwacu ruzaba ari urwo kugarura amahoro, amahoro asesuye, amahoro akenewe ku mutekano w’igihugu cyacu. Muri urwo rugamba munyizere, niteguye no kuba napfa kugira ngo agerweho.”

Ubwo yiyamamarizaga kuyobora RDC umwaka ushize, Perezida Tshisekedi yavuze ko azanashyira ibirindiro bya Gisirikare mu Burasirazuba bwa Congo mu rwego rwo guhangana n’imitwe y’inyeshyamba imaze igihe ishinzeyo ibirindiro, igatera umutekano mucye mu Karere icyo gihugu giherereyemo.

Perezida Tshisekedi yiteguye gupfira murugamba rwo kagarura umutekano mu burasirazuba bwa RDC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza