Itangazo risesa aya masezerano ryasohotse hashize amasaha make Minisitiri w’Ububanyi n’Amahanga w’u Bufaransa, Jean-Noël Barrot avuye muri Tchad.

Minisiteri y’Ububanyi n’Amahanga ya Tchad yatangaje ko gusesa ayo masezerano bigamije gufasha igihugu gufata umurongo mushya, icyakora ishimangira ko u Bufaransa buzakomeza kuba umufatanyabikorwa ukomeye.

Mu biganiro byabaye hagati ya Minisitiri Jean-Noël Barrot na mugenzi we wa Tchad, Abderaman Koulamallah, ntabwo ibyo gusesa amasezerano byatangajwe, icyakora Koulamallah yavuze ko u Bufaransa bugomba kumenya ko Tchad yakuze.

Gusesa ayo masezerano, Tchad yijeje ko ntacyo bizahindura ku mubano ibihugu byombi byari bifitanye.

Tchad yasheshe amasezerano ya gisirikare yari ifitanye n’u Bufaransa