Tanzania yashyizeho amabagiro y’inyamaswa zo mu gasozi mu guhashya ba rushimusi

Yanditswe na Bukuru JC
Kuya 31 Ukuboza 2020 saa 12:47
Yasuwe :
0 0

Guverinoma ya Tanzania yemeye ko inyama z’inyamaswa zo mu gasozi zitangira gucuruzwa ariko bigakorwa ku mabwiriza akomeye.

Ni umwanzuro wafashwe ugamije kugabanya umubare munini wa ba rushimusi bica inyamaswa hirya no hino mu gihugu. Mu ntangiriro z’uyu mwaka, Perezida Magufuli yemeye ko hashyirwaho ahantu hatandukanye hazashyirwa amabagiro y’inyamaswa zo mu gasozi.

Mu gihe inyama z’inyamaswa zo mu gasozi zigurishijwe, hazajya hatangwa icyemezo cyerekana aho zavuye.

Amabagiro ategetswe kujya ashyikiriza Leta uduhanga n’impu by’inyamaswa zishwe cyangwa se bakerekana icyangombwa cy’uko bemerewe kubigumana. Inzgeo zishinzwe inyamaswa zo mu gasozi, izishinzwe ibiribwa n’ubuzima zizajya zikora igenzura rihoraho.

Ibagiro rya mbere ryashinzwe mu mujyi wa Dodoma aho ikilo cy’inyama kigurishwa amadolari abiri (asaga gato 1800 Frw).

Amabagiro y’izo nyamaswa azashyirwa mu duce 23 mu gihugu. Ikigo gishinzwe inyamaswa zo mu gasozi nicyo kizajya kiyagenzura kinayashyikirize inyamaswa zigomba kubagwa.

Buri mwaka muri Tanzania hafatirwa toni 2000 z’inyama z’inyamaswa zo mu gasozi zishwe mu buryo bunyuranyije n’amategeko. Izo nyama zibarirwa amadolari miliyoni 50.

Mu myaka ine ishize, ba rushimusi 11 838 bafashwe bishe inyamaswa zo gasozi.

Inyama z'inyamaswa zo mu gasozi zigiye kujya zigurishwa mu buryo bwemewe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .