Tanzania yakuyeho umwanzuro wo kubuza abatavuga rumwe na Leta kwiyamamaza

Yanditswe na Bukuru JC
Kuya 11 Ugushyingo 2019 saa 08:54
Yasuwe :
0 0

Ubuyobozi bwa Tanzania bwakuyeho umwanzuro bwari bwafashe wo kubuza benshi mu bakandida b’amashyaka atavuga rumwe na Leta kwiyamamaza mu matora rusange azaba tariki 24 Ugushyingo.

Umunyamabanga wa Leta ushinzwe ubutegetsi bw’igihugu, Selemani Jafo yavuze ko habayeho imbabazi kugira ngo abari babujijwe kuziyamamaza babikore nta nkomyi nkuko BBC yabitangaje.

Benshi mu batavuga rumwe na Leta bari bangiwe kwitabira amatora rusange y’abayobozi b’inzego z’ibanze bashinjwa kuzuza nabi inyandiko zibemerera gutanga kandidatire.

Amashyaka menshi atavuga rumwe na Leta arimo irizwi cyane rya CHADEMA, yari yatangaje ko atazitabira amatora mu gihe abakandida bayo badakomorewe ngo biyamamaze.

Bashinjaga ubutegetsi bwa Pombe Magufuli gukoresha ubwo buryo nk’iturufu yo kwikiza abatavuga rumwe na Leta, ibintu basanga bihabanye na demokarasi yifuzwa muri Tanzania.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza