Tanzania: Uwahoze ari Minisitiri w’Intebe yavuye mu ishyaka ritavuga rumwe na Leta

Yanditswe na IGIHE
Kuya 5 Ukuboza 2019 saa 03:45
Yasuwe :
0 0

Frederick Sumaye wahoze ari Minisitiri w’Intebe wa Tanzania, yavuye mu ishyaka ritavuga rumwe na Leta, CHADEMA avuga ko atishimiye imigendekere y’amatora imbere mu ishyaka.

Sumaye wabaye Minisitiri w’Intebe hagati ya 1995-2005 yari yinjiye mu ishyaka Chadema mu 2015 nyuma y’uko CCM riri ku butegetsi ryari ryanze kumutanga nk’umukandida ku mwanya wa Perezida.

Kuri iyi nshuro nabwo yavuye muri Chadema nyuma y’iminsi atsinzwe mu matora y’ubuyobozi bw’iryo shyaka.

Sumaye kuri uyu wa Gatatu yabwiye abanyamakuru ko ishyaka Chadema ryangiritse cyane ku buryo ritagifite umurongo.

Yavuze ko nyuma yo kuva muri iryo shyaka nta rindi azerekezamo, nkuko Ibiro Ntaramakuru by’Abashinwa, Xinhua byabitangaje.

Muri Werurwe uyu mwaka nabwo Edward Lowassa wigeze kuba Minisitiri w’Intebe wa Tanzania yavuye muri Chadema asubira muri CCM. Nawe yari yayivuyemo mu 2015 amaze kubura amahirwe yo kuyihagararira mu matora ya Perezida.

Sumaye yabwiye abanyamakuru kuri uyu wa Gatatu ko ishyaka Chadema ryangiritse cyane ku buryo ritagifite umurongo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza