00:00:00 IGIHE NETWORK KN KINYARWANDA EN ENGLISH FR FRANCAIS

Tanzania: Umunya-Iran yirukanywe mu gihugu

Yanditswe na Igizeneza Jean Désiré
Kuya 8 Ukuboza 2022 saa 01:54
Yasuwe :

Inzego zishinzwe abinjira n’abasohoka muri Tanzania zirukanye mu gihugu umuturage wo muri Iran, nyuma yo gusanga yaragize uruhare mu itegurwa n’ikorwa ry’ibikorwa bihungabanya umutekano w’igihugu n’ibyambukiranya imipaka.

Hamidreza Mohammad Abraheh wirukanywe yari yarahawe Viza ya Tanzania nyuma yo kujijisha inzego zibishinzwe, avuga ko yashyingiriwe muri iki gihugu, abihamisha ibyangombwa bitandukanye n’ubwo byaje kugaragara nyuma ko ari ibihimbano.

Aya makuru yatangajwe n’Umuyobozi mu rwego rushinzwe abinjira n’abasohoka rwa Tanzania, Samwel Mahirane mu kiganiro n’itangazamakuru ku byaha bikomeje kugaragara mu Mujyi wa Dar es Salaam bikorwa n’abimukira bafatanya n’abo mu gihugu.

Mahirane yavuze ko ku itariki ya 06 Ukuboza 2022 uyu mwaka ari bwo uru rwego rwambuye uyu muturage urupapuro rw’inzira (passport) rufite nimero ya H46000576 nyuma yo gusanga yaranyuranyije n’amategeko agenga abinjira n’abasohoka.

Ati "Yatanze amakuru atari yo ubwo yasabaga uburenganzira bwo guhabwa Visa ndetse atanga ibyangombwa by’uko yashyingiriwe mu gihugu by’ibihimbano kandi ibyo byose bihabanye n’amategeko."

The CITIZEN yanditse ko Hamidreza yamaze amezi atandatu aba mu gihugu ku buryo butemewe atarafatwa.

Numya yo kumufata yahaswe ibibazo bitandukanye biza kuvumburwa ko yagize uruhare mu bikorwa bishobora kubangamira umutekano w’igihugu ndetse n’uw’ibihugu by’ibituranyi, n’ubwo hatagaragajwe ibyo ari byo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .