Tanzania: Umuherwe Ali Mufuruki yitabye Imana

Yanditswe na Umutoni Rosine
Kuya 8 Ukuboza 2019 saa 03:38
Yasuwe :
0 0

Umuherwe wo muri Tanzania akaba umuyobozi w’ikigo Infotech Investment Group, Ali Mufuruki, yitabye Imana kuri uyu wa Gatandatu aho yari kuvurirwa mu bitaro byo mu mujyi wa Johannesburg, muri Afurika y’Epfo.

Mufuruki washinze ihuriro ry’abayobozi bakuru b’ibigo by’ubucuruzi CEOrt, n’umuryango Leadership Initiative (ALI) East Africa, yapfuye mu ijoro ryo kuri uyu wa Gatandatu nkuko byemejwe n’umuyobozi w’inama y’ubutegetsi ya CEOrt, Sanjay Rughani.

Mufuruki w’imyaka 60 yafashwe n’uburwayi mu mujyi wa Dar es Salaam ahita ajyanwa mu bitaro bya Aga Khan. Nyuma yahise ajyanwa muri Afurika y’Epfo ngo ahabwe ubuvuzi bwihuse nkuko ikinyamakuru The Citizen cyabitangaje.

Uyu mugabo yari umuyobozi w’inama y’ubutegetsi ya Vodacom Tanzania n’ikigo Wananchi Group Holdings.

Ni umwe mu banditsi b’igitabo Tanzania’s Industrialisation Journey, 2016-2056. Yabarirwaga umutungo wa miliyoni zigera ku 110 z’amadolari.

Mufuruki w’imyaka 60 yafashwe n’uburwayi mu mujyi wa Dar es Salaam ahita ajyanwa mu bitaro bya Aga Khan

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza