Tanzania: Tundu Lissu wigeze kuraswa aziyamamariza kuba Perezida

Yanditswe na Bukuru JC
Kuya 4 Kanama 2020 saa 08:57
Yasuwe :
0 0

Ishyaka Chadema ritavuga rumwe na Leta ya Tanzania ryagennye Tundu Lissu wigeze kuraswa, ngo aribere umukandida mu matora ya Perezida azaba mu Ukwakira uyu mwaka.

Tundu yahunze igihugu nyuma yo kuraswa bakamuhusha muri Nzeri 2017 mu Murwa Mukuru Dodoma. Yagiye kwivuriza mu Bubiligi ibikomere by’amasasu, yagarutse mu gihugu mu cyumweru gishize.

Lissu aziyamamaza ahanganye na Perezida uriho John Pombe Magufuli.

Uyu mugabo yatowe n’inama nkuru y’ishyaka Chadema, abona amajwi 405 mu bantu 442 batoye, nk’uko BBC yabitangaje.

Lissu ni umwe mu batavuga rumwe na Leta wagiye yumvikana kenshi anenga Perezida Magufuli.

Ni umwe mu batavuga rumwe na Leta bahabwa amahirwe menshi ariko haracyibazwa niba azabasha gutsinsura ishyaka Chama cha Mapinduzi (CCM) ryayoboye Tanzania kuva ikibona ubwigenge.

Itoranywa rya Lissu rizemezwa neza n’Inteko rusange y’ishyaka rye iraterana kuri uyu wa Kabiri.

Tundu Lissu yagenwe nk'uzahagararira ishyaka Chadema mu matora ya Perezida

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .