Tanzania: Perezida Magufuli yasabye abaturage gufata iminsi basenga Imana ngo ibakize Coronavirus

Yanditswe na Bukuru JC
Kuya 16 Mata 2020 saa 07:40
Yasuwe :
0 0

Perezida wa Tanzania, John Pombe Magufuli, yasabye abaturage b’igihugu cye gufata iminsi itatu yo gusenga Imana cyane kugira ngo icyorezo cya Coronavirus gihagarare.

Kuva kuri Perezida Magufuli kugera ku bayobozi b’amatorero n’amadini bakomeje kwizera ko Imana ishobora kubafasha guhashya COVID-19 iterwa na Coronavirus.

Kuri uyu wa Kane, Perezida Magufuli yongeye gusaba abaturage kwiragiza Imana ngo ibakize icyorezo cya Coronavirus cyugarije Isi.

Mu butumwa yanditse kuri Twitter yagize ati “Bavandimwe Banya-Tanzania, bitewe n’uburwayi bwa Coronavirus, ndasaba ko dufata iminsi itatu uhereye kuri uyu wa 17 kugeza ku wa 19 Mata 2020, dusabe Imana ishobora byose idukize iki cyorezo. Buri wese asenge n’umutima we wose, Imana iratwumva.”

Kuva Coronavirus yaboneka muri Tanzania, mu bantu 94 bamaze kuyandura, bane barapfuye mu gihe abakize ari 11.

Mu ngamba Tanzania yafashe mu bwirinzi bw’ikwirakwira rya Coronavirus ni uko abantu bose binjira mu gihugu barimo abenegihugu n’abandi baturutse mu bihugu byagaragayemo Coronavirus bashyirwa mu kato k’iminsi 14 kandi bakitunga.

Perezida Magufuli yasabye abaturage be gufata iminsi itatu bagasenga Imana ikabakiza Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .