Yabigarutseho ubwo yari mu nama n’andi mashami ya Loni nk’iry’Umuryango w’Abibumbye ryita ku Biribwa, PAM; Ishami ry’Umuryango w’Abibumbye ryita ku bana UNICEF.

Iyi nama yari igamije kurebera hamwe ikibazo cy’imibereho mibi y’impunzi giterwa no kutabona imfashanyo zihagije, umutekano muke na gahunda zo kuzirukana muri iki gihugu.

Rehema Msami, yashyize mu majwi Guverinoma ya Tanzania ku ngamba yafashe zikumira imiryango imwe n’imwe kugira inkunga igenera impunzi.

Rehema yavuze ko n’ubwo Tanzania iri gukora ibyo, iri kwirengagiza ko iri kurenga ku mategeko mpuzamahanga agenga impunzi no guhunyora uburenganzira bw’ikiremwamuntu.

Impunzi z’Abarundi muri iki gihugu ziri gusaba imiryango bireba gukora iyo bwabaga imfashanyo zikaboneka n’amategeko azirengera akubahirizwa.

Guverinoma ya Tanzania irashinjwa gufata ingamba zikumira imiryango imwe n’imwe kugira inkunga igenera impunzi