Sudani yahagaritse ibiganiro n’inyeshyamba ngo yunamire Minisitiri w’ingabo

Yanditswe na Bukuru JC
Kuya 26 Werurwe 2020 saa 01:00
Yasuwe :
0 0

Sudani yahagaritse ibiganiro by’amahoro yagiranaga n’inyeshyamba nyuma y’urupfu rw’uwari Minisitiri w’Ingabo, Lieutenant Général Jamal al-Din Omar waguye muri Sudani y’Epfo azize guhagarara k’umutima.

Omar yapfuye kuri uyu wa Gatatu ubwo yari muri hoteli, aho yari yagiye mu biganiro n’inyeshyamba, byaberaga i Juba muri Sudani y’Epfo.

Ibiro Ntaramakuru bya Sudani (Suna) byatangaje ko itsinda ry’intumwa zari zihagarariye icyo gihugu mu biganiro zafashe umwanzuro wo kubisubika mu gihe cy’icyumweru, kugira ngo babone umwanya wo kunamira Omar.

Omar yari umwe mu bagize akanama gashinzwe ubusugire bw’igihugu kafashe ubutegetsi nyuma y’uko Omar al-Bashir yegujwe umwaka ushize.

Omar yapfuye kuri uyu wa Gatatu azize guhagarara k'umutima

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .