00:00:00 IGIHE NETWORK KN KINYARWANDA EN ENGLISH FR FRANCAIS

Sudani y’Epfo yohereje abasirikare 750 muri RDC

Yanditswe na Bukuru JC
Kuya 29 Ukuboza 2022 saa 11:45
Yasuwe :

Sudani y’Epfo yohereje abasirikare 750 bagiye gufasha Repubulika Iharanira Demokarasi ya Congo guhangana n’umutwe wa M23 umaze igihe mu mirwano n’igisirikare cya Leta, FARDC.

Kuri uyu wa Gatatu abo basirikare bahawe ibendera na Perezida Salva Kiir, mu gihe bitegura guhaguruka berekeza mu Burasirazuba bwa Congo, gufatanya n’izindi ngabo z’umuryango wa Afurika y’Iburasirazuba kugarura amahoro muri ako gace.

Perezida Salva Kiir yasabye abo basirikare kuzitwara neza bagarura umutekano aho boherejwe, by’umwihariko bita ku kurinda abasivile.

Ingabo za Sudani y’Epfo zije zisanga iza Kenya zamaze kuhagera, mu rwego rwo gushyira mu bikorwa ibyemezo by’Umuryango wa Afurika y’Iburasirazuba.

Nyuma y’itangazwa ry’uko ingabo za Sudani y’Epfo zigiye kwinjira muri Congo, hari bamwe mu baturage ba Congo babyamaganye, bavuga ko bitumvikana uburyo igihugu kiri mu mvururu cyakwitegwaho kugarura umutekano ahandi.

Sudani y’Epfo ifashwa n’ingabo za Loni ziri mu butumwa bwo kugarura amahoro mu bice bimwe na bimwe, nyuma y’imvururu zakurikiye ubwigenge bw’icyo gihugu mu 2011.

Perezida Salva Kiir ubwo yashyikirizaga ibendera abasirikare bazajya muri RDC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .