Sudani y’Epfo: Abagize guverinoma bagera ku munani banduye Coronavirus

Yanditswe na Bukuru JC
Kuya 21 Gicurasi 2020 saa 09:13
Yasuwe :
0 0

Imibare y’abanduye Coronavirus muri Sudani y’Epfo, yikubye hafi kabiri igera kuri 481 mu ijoro ryakeye, ni nyuma y’uko mu masaha 24 habonetse abantu bashya 140 bayanduye.

Amakuru avuga ko abagize Guverinoma bagera ku munani basanzwemo iki cyorezo. Kugeza ubu batatu muri bo baratangajwe, abo ni; Visi Perezida, Riek Machar, Minisitiri w’umutekano Angelina Teny, na Minisitiri w’itangazamakuru, akaba n’umuvugizi wa leta, Michael Makuei.

Bose bari mu bagize itsinda ryihariye rya guverinoma ryo kurwanya Covid-19 riyobowe na Perezida Salva Kiir wungirijwe na Visi Perezida Riek Machar.

Kiir yabonanye n’iri tsinda mu mpera z’icyumweru gishize ariko nta kiratangazwa niba nawe yarapimwe n’uko ahagaze. Uyu munsi kuwa Kane hateganyijwe inama y’abaminisitiri ariko ntamuntu uzi abari buyitabire.

Minisitiri ushinzwe imirimo y’inama y’abaminisitiri, Elia Lomuro, we yavuze ko atigeze asangwamo Coronavirus.

Kuri uyu wa Gatatu muri Sudani y’Epfo, abantu bashya 134 banduye Coronavirus bituma umubare w’abamaze kwandura bose ari 481. Hamaze gupfa bane, abandi bane barakize.

Minisitiri w'itangazamakuru, akaba n'umuvugizi wa leta, Michael Makuei yanduye Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .