Sudani: Urukiko rwanze kurekura al-Bashir by’agateganyo

Yanditswe na IGIHE
Kuya 31 Kanama 2019 saa 03:36
Yasuwe :
0 0

Urukiko rwo muri Sudani rwanze ubusabe bwa Omar al-Bashir wifuzaga kurekurwa by’agateganyo atanze ingwate, ngo aburane ari hanze.

Uyu mugabo uheruka guhirikwa nyuma y’imyaka 30 ayobora Sudani, aheruka imbere y’urukiko hagati muri uku kwezi ahinjwa ibyaha bya ruswa, ari nabwo abanyamategeko be bamusabiye kurekurwa ngo akurikiranwe adafunzwe.

Nk’uko umwe mu bavoka be Ahmed Ibrahim al-Tahir yabibwiye itangazamakuru kuri uyu wa Gatandatu, “urukiko rwanze ubusabe bwacu.”

Ubushinjacyaha bwabwiye Urukiko rw’i Khartoum ko Omar al-Bashir wahoze ari Perezida w’iki gihugu yakiriye akayabo ka miliyoni 90 z’amadolari yahawe na Arabie Saoudite.

Bivugwa ko yavuze mu rukiko inshuro imwe gusa ubwo umucamanza yahamagaraga izina rye akamubaza niba koko ariwe, ngo yasetse ubwo yabazwaga aho atuye ahita asubiza umucamanza ati “mbere ku biro bya gisirikare ariko ubu ni muri gereza ya Kobar.”

Umupolisi wakoze iperereza kuri Bashir, Ahmed Ali Mohamed yabwiye urukiko ko uyu mugabo yakiriye miliyoni 25 z’amadorali yahawe n’Igikomangoma cya Arabia Saoudite, Mohammed Bin Salman.

Yakomeje avuga ko Bashir w’imyaka 75 y’amavuko yagiye yakira andi mafaranga avuye muri Arabia Saoudite ku buryo yose hamwe agera muri miliyoni 90 z’amadolari ya Amerika.

Bashir akurikiranweho ibyaha birimo ruswa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza